აჭარის ტურისტულ პოტენციალს ესტონეთში ეცნობიან

აჭარის ტურისტულ პროდუქტებსა და შესაძლებლობებს ტალინის საერთაშორისო ტურისტულ გამოფენაზე „TUEREST 2019” ეცნობიან, - ამის შესახებ „ინტერპრესნიუსს“ აჭარის ტურიზმისა და კურორტების დეპარტამენტიდან აცნობეს.

აჭარის ტურიზმის დეპარტამენტი გამოფენაზე დამოუკიდებელი სტენდითაა წარმოდგენილი, სადაც ვიზიტორებს რეგიონის სამთო და საზღვაო ტურისტული პოტენციალის შესახებ დეტალური ინფორმაციის მიღება შეუძლიათ.

„გამოფენის ფარგლებში დაგეგმილია მნიშვნელოვანი შეხვედრები ტურისტული და სარეკლამო კომპანიების წარმომადგენლებთან, მათ შორის ტალინიდან ბათუმის მიმართულებით ჩარტერული რეისების დანიშვნასთან დაკავშირებით, რომელიც აჭარის მთავრობის თავმჯდომარის მონაწილეობით გაიმართება. აჭარის მთავრობის დელეგაცია ესტონეთში უკვე გაემგზავრა. ვიზიტის ფარგლებში დაგეგმილია სხვადასხვა საქმიანი შეხვედრები განათლებისა და საჯარო მმართველობის მიმართულებით.

„ესტონეთი აჭარისთვის მნიშვნელოვანი ტურისტული ბაზარია, სადაც აჭარის ტურიზმის დეპარტამენტი რეგიონის პოპულარიზაციას 2017 წლიდან ეწევა და წელსაც გააგრძელებს. აჭარის მიმართ ესტონელი მოგზაურების ინტერესი მზარდია. 2018 წელს, რეგიონს წინა წელთან შედარებით ესტონეთიდან 80%-ით მეტი საერთაშორისო მოგზაური სტუმრობდა. ტალინის გამოფენაზე წარმოდგენილია 30 ქვეყნის 500-ზე მეტი კომპანია, რაც ბუნებრივია საშუალებას გვაძლევს მეტად მოვახდინოთ ჩვენი ქვეყნისა და რეგიონის, ასევე ტურისტული პროდუქტების პოპულარიზაცია“, - განაცხადა აჭარის ტურიზმის დეპარტამენტის თავმჯდომარე სულხან ღლონტმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს