ბათუმში, ჭავჭავაძის ქუჩაზე, ორ სართულიანი საცხოვრებელი სახლის მეორე სართულზე ხანძარი გაჩნდა. ხანძრის შედეგად ერთი ბინა დაიწვა, ხოლო რამდენიმე ბინის სახურავი და კომერციული ფართი დაზიანდა.
ხანძარი ამ დროისთვის ლიკვიდირებულია.
მეზობლები აცხადებენ, რომ ხანძრის დროს სახლში არავინ იმყოფებოდა, იგი მეპატრონეს გაქირავებული ჰქონდა. მათივე ინფორმაციით, საცხოვრებელ სახლში ხანძარი სავარაუდოდ, სამზარეულოდან გაჩნდა.
ადგილზე ბათუმის მერიის წარმომადგენლებიც მივიდნენ. როგორც ვიცე-მერმა თენგიზ პეტრიძემ განაცხადა, დაზარალებული ოჯახების შესწავლა მოხდება და საჭიროების შემთხვევაში მათ დახმარება გაეწევათ.
ხანძრის გამო, ჭავჭავაძის ქუჩაზე სატრანსპორტო მოძრაობა შეზღუდული იყო, თუმცა ამ დროისთვის აღდგა.