პარტია „თავისუფალი საქართველო" ქუთაისში საგზაო ინფარასტრუქტურის პრობლემას აქცია-პერფორმანსით გამოეხმაურა. პარტიის იმერეთის რაიონული ორგანიზაციის თავმჯდომარემ, გოგი წულაიამ აღმაშენებლის გამზირზე სილა და ცემენტი მიიტანა და ორმოები ამოავსო.
გოგი წულაიას განცხადებით, ქუთაისი ნაომარ ქალაქს გავს და რადგან ხელისუფლება ვერ აგვარებს პრობლემებს, ამაზე თავად მოსახლეობამ უნდა იზრუნოს.
„ქუთაისი გავს ნაომარ ქალაქს, ჩამონგრეულია ფასადები და გადათხილია ქუჩები. რადგან ხელისუფლება ვერ აგვარებს, როდემდე უნდა ვიცხოვროთ წუმპეში? ამიტომ ჩვენ გადავწყვიტეთ თავად მოვაგვაროთ და ამოვავსოთ ორმოები, რადგან პრობლემაა გზებზე. მოვუწოდებ მოსახლეობას, თუ არ გვაქვს შესაძლებლობა, ვაიძულოთ ხელისუფლება პრობლემები მოაგვაროს, ან არჩევნებში სწორი არჩევანი გავაკეთოთ და ჩვენ მივხედოთ"-განაცხადა გოგი წულაიამ.