ბორჯომის მუნიციპალიტეტის სოფელ ტაძრისში საბავშვო ბაღის ტერიტორიის კეთილმოწყობა მიმდინარეობს. სამუშაოები ბორჯომის მუნიციპალიტეტმა 129 260 ლარით დააფინანსა. ინფორმაციას ბორჯომის მუნიციპალიტეტი ავრცელებს.

პროექტის მიხედვით, დაგეგმილია ლითონის ჭიშკრისა და ღობეების მონტაჟი, ფილებისა და ასფალტობეტონის საფარის დაგება, ტერიტორიაზე საბავშვო ატრაქციონები და მინი სპორტული მოედანი მოეწყობა.

ტაძრისის საბავშვო ბაღი 1 წლის წინ ადგილობრივი მუნიციპალიტეტის მიერ გარემონტდა და საზეიმოდ გაიხსნა.

რეაბილიტირებული სკოლამდელი აღზრდის დაწესებულება ყველა საჭირო ინვენტარითაა აღჭურვილი და ის სამი სოფლის-საკირის, ტაძრისისა და დგვარის 80 აღსაზრდელს ემსახურება.