ხაშურში ერთმანეთს ბორჯომი -თბილისის სამგზავრო მატარებელი და მსუბუქი ავტომობილი შეეჯახა. შემთხვევა დღეს დილით მოხდა.

როგორც „ინტერპრესნიუსს“ შს სამინისტროში განუცხადეს, შემთხვევის შედეგად მსუბუქი ავტომობილის მძღოლი დაშავდა, თუმცა მას სიცოცხლისთვის საშიში დაზიანებები არ აღენიშნება.

„გამოძიება 275-ე მუხლის პირველი ნაწილით დაიწყო, რაც სარკინიგზო ტრანსპორტის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია. აღნიშნული მუხლი 2-5 წლამდე თავისუფლების აღკვეთას ითვალისწინებს. ამ დროისთვის მოძრაობა აღდგენილია“, - განაცხადეს შსს-ში.