ხელვაჩაურში, წყალმომარაგების სისტემის სარეაბილიტაციო სამუშაოების დროს, სამი ადამიანი დაშავდა. სასწრაფო სამედიცინო დახმარების ბრიგადამ დაშავებულები წუხელ კლინიკებში გადაიყვანა.

დაშავებულების ჯანმრთელობის მდგომარეობა სტაბილურია. ექიმების ინფორმაციით, სამ მამაკაცს სხეულის სხვადასხვა დაზიანება აღენიშნება.

როგორც შპს "ბათუმი წყლის" გავრცელებულ განცხადებაში წერია, ისინი ძველი წყალმომარაგების სისტემაზე სარეაბილიტაციო სამუშაოებს აწარმოებდნენ.

არსებული ინფორმაციით, სამუშაოების დროს მიწის მასა ჩამოიშალა და მუშები მოიყოლა. ფაქტზე შინაგან საქმეთა სამინისტრომ გამოძიება დაიწყო.