ბათუმში ავტოსაგზაო შემთხვევის შედეგად, 25 წლის მამაკაცი მძიმედ დაშავდა. თვითმხილველების ინფორმაციით, ერთმანეთს მოპედი და მსუბუქი ავტომობილი შეეჯახნენ.

იგი სასწრაფო სამედიცინო დახმარების ბრიგადამ რეფერალურ საავადმყოფოში გადაიყვანა. როგორც ექიმებმა განაცხადეს, მამაკაცს თავის არეში მძიმე ტრავმა აქვს მიღებული.

შემთხვევის ადგილზე სამართალდამცველები იმყოფებოდნენ.

როგორც შს სამინისტროში აცხადებენ, ფაქტზე გამოძიება სისხლის სამართლის კოდექსის 276-ე მუხლით დაიწყო, რაც სატრანსპორტო მოძრაობისას წესების დარღვევას გულისხმობს.