ძლიერმა ქარმა რუსთავში პრობლემები შექმნა. როგორც „ინტერპრესნიუსის“ ჟურნალისტი იტყობინება, ქარმა რუსთავის მუნიციპალიტეტის შენობის, სადაც მერია და საკრებულოა განთავსებული, სახურავი რამდენიმე ადგილზე დააზიანა.

ადგილზე მობილიზებული არიან საგანგებო სიტუაციების მართვის რუსთავის სამსახურის თანამშრომლები. უსაფრთხოების მიზნით, ისინი სახურავიდან ნაწილობრივ მოგლეჯილ თუნუქის ფურცლებს ხსნიან.