ძლიერმა ქარმა შიდა ქართლში რამდენიმე შენობის სახურავი დააზიანა

ძლიერმა ქარმა შიდა ქართლში რამდენიმე შენობის სახურავი დააზიანა. გორისა და კასპის მუნიციპალიტეტებში დაზიანებულია საცხოვრებელი სახლებისა და დამხმარე ნაგებობების სახურავები.

„შიდა ქართლის ტერიტორიაზე ათამდე ობიექტია დაზიანებული. ამ დროისთვის მიმდინარეობს არსებული ვითარების შესწავლა და როგორც კი კლიმატური პირობები შესაძლებლობას მოგვცემს, ადგილობრივი მუნიციპალიტეტები დაიწყებენ პრობლემების მოგვარებას და დაზიანებული სახურავების შეკეთებას“, - განაცხადა შიდა ქართლის გუბერნატორმა გიორგი ხოჯევანიშვილმა.