ხულოში, ხანძრის შედეგად მეჩეთთან არსებული დამხმარე ნაგებობა დაიწვა. ადგილზე სახანძრო სამაშველო ბრიგადები მუშაობდნენ. როგორც საგანგებო სიტუაციების მართვის სამსახურში განაცხადეს, ხანძარი ამ დროისათვის ლიკვიდირებულია.
ხანძრის გამომწვევი მიზეზები ჯერჯერობით უცნობია. ფაქტზე გამოძიება "სისხლის სამართლის კოდექსის" 187-ე მუხლით დაიწყო, რაც ნივთის დაზიანებას ან განადგურებას გულისხმობს.