ლენტეხში, ლტოლვილთა საერთო საცხოვრებელს ცეცხლი გაუჩნდა. საპატრიარქოს კუთვნილ შენობაში, სადაც იძულებით გადაადგილებული პირები და ეკომიგრანტები არიან დროებით შესახლებული, დამწვარია 200კვ/მ საცხოვრებელი ფართი.
„ადგილზე დაუყოვნებლივ იქნა მობილიზებული რეგიონის სახანძრო-სამაშველო ჯგუფი. ცეცხლის ლოკალიზება დროულად მოხერხდა და ხანძრის შედეგად არავინ დაშავებულა. შემთხვევის ადგილზე, სახელმწიფო რწმუნებული-გუბერნატორი არჩილ ჯაფარიძე, ადგილობრივი ხელისუფლების წარმომადგენლებთან ერთად იმყოფება“, - ნათქვამია რწმუნებულის აპარატის მიერ გავრცელებულ ინფორმაციაში.