21 თებერვალს დღის 14:00 საათიდან 22 თებერვლის დილის 07:00 საათამდე, ქ. რუსთავის მარჯვენა და მარცხენა სანაპიროებს, ჭყონდიდელის დასახლებას და ქ. გარდაბანს ელექტრომომარაგება შეეზღუდება. როგორც „ინტერპრესნიუსს“ კომპანია „რუსთავის წყალიდან“ აცნობეს,21 თებერვალს, ხუთშაბათს, მარნეულის რაიონში საქართველოს სახელმწიფო ელექტროსისტემა მაღალი ძაბვის ქვესადგურზე ,,გარდაბანი 500” გეგმიურ პროფილაქტიკურ სამუშაოებს განახორციელებს. ტექნიკური სამუშაოების მიმდინარეობის პერიოდში, უსაფრთხოების დაცვის მიზნით კი, ელექტროენერგიის მიწოდება შეუწყდება კომპანია რუსთავის წყლის ხრამის სათავე ნაგებობას, რის გამოც აღნიშნული შეზღუდვა გავრცელდება.
კომპანიაში განმარტავენ, რომ „რუსთავის წყალი“ 21 თებერვალს დღის განმავლობაში მოსახლეობას და სტრატეგიული მნიშვნელობის დაწესებულებებს წყალს სპეციალური ცისტერნებით მიაწვდის.
წყალმომარაგების შეწყვეტისა და აღდგენის შესახებ ინფორმაციას რუსთავის წყალი აბონენტებს წინასწარ, SMS-შეტყობინების სახით მიაწოდებს. დეტალური ინფორმაციის მოძიება შესაძლებელია კომპანიის ცხელი ხაზის 22 00 11 და ფეისბუქის საშუალებით.