უამინდობამ საგარეჯოს მუნიციპალიტეტი დააზარალა

ძლიერმა ქარმა საგარეჯოს მუნიციპალიტეტის სოფელ უდაბნოში რამდენიმე საცხოვრებელ სახლს სახურავი გადახადა. მუნიციპალიტეტის მერის გიორგი ერბოწონაშვილის ინფორმაცით, ყველა შესაბამისი სამსახური სტიიქის ზონაში იმყოფება და ზარალს ადგილზე ითვლიან. მისივე თქმით, ქარმა პრობლემები სოფელ იორმუღანლოსაც შეუქმნა.

ძლიერმა ქარმა ცენტრალურ გზაზე ალვის ხეები მოგლიჯა, რის შედეგადაც დაზიანდა ელექტროგადამცემი ხაზები. "ძლიერმა ქარმა ძირითადად პრობლემები ორ სოფელში შექმნა - იორმუღანლოსა და უდაბნოში. რამდენიმე სახლს გადახდილი აქვს სახურავი და მოგლეჯილია ხეები. სტიიქის ზონაში ჩვენი სამსახურებია მობილიზებული და ვცდილობთ მოკლე დროში მოვაგვაროთ პრობლემა, თუმცა, ამ ეტაპზე ზარალის ზუსტი ოდენობა არ ვიცით", - განაცხადა მუნიციპალიტეტის მერმა, გიორგი ერბოწონაშვილმა.