შოთა რუსთაველის საქართველოს ეროვნული სამეცნიერო ფონდის საერთაშორისო საკოორდინაციო საბჭოს ახალი წევრები შეემატა

შოთა რუსთაველის საქართველოს ეროვნული სამეცნიერო ფონდის საერთაშორისო საკოორდინაციო საბჭოს ახალი წევრები შეემატა.

როგორც „ინტერპრესნიუსს“ შოთა რუსთაველის საქართველოს ეროვნული სამეცნიერო ფონდიდან აცნობეს, ფონდი მეცნიერების დაფინანსების ძირითადი და წამყვანი ეროვნული ორანიზაციაა, რომელიც აქტიურადაა ჩართული მეცნიერების რეფორმირების პროცესში.

ფონდის განცხადებით, მათთვის პრიორიტეტულია საერთაშორისო სამეცნიერო წეებთან თანამშრომლობა. ამ მიზნით, ფონდში შექმნილია საერთაშრისო საკოორდინაციო საბჭო, რომელშიც მსოფლიოში ცნობილი მეცნიერები არიან გაერთიანებული.

როგორც ფონდში განმარტავენ, 2019 წლის თებერვალში ფონდმა გამოიყენა წესდებით გათვალისწინებული უფლებამოსილება და საბჭოს შემადგენლობა გაზარდა თერთმეტ წევრამდე. არსებული მდგომარეობით საბჭოს შემადგენლობაში შედიოდნენ: ოქსფორდის უნივერსიტეტის პროფესორი, ბირთვული კვლევების ევროპული ორგანიზაციის (CERN) ყოფილი დირექტორი (გაერთიანებული სამეფო) როჯერ ქაშმორი, ოქსფორდის უნივერსიტეტის საერთაშრისო ურთიერთობების მიმართულების პროფესორი (გაერთიანებული სამეფო) ნილ მაკფარლეინი, ჰელსინკის უნივერსიტეტის პროფესორი, ევროპული კვლევების საბჭოს (ERC) ყოფილი ვიცე-რეზიდენტი (ფინეთი) მარტ საარმა, თბილისის სახელმწიფო უნივერსიტეტის პროფესორ ემერიტუსი (საქართველო) მზექალა შანიძე, ზაგრების უნივერსიტეტის პროფესორი (ხორვატია) მელიტა კოვაჩევიჩი, ლუნდის უნივერსიტეტის ღეროვანი უჯრედების ცენტრის დირექტორი, პროფესორი (შვედეთი) ზაალ კოკაია.

ფონდის საერთაშორისო საკოორდინაციო საბჭოს შემადგენლობას დაემატა ახალი წევრები: ბირთვული კვლევების ევროპული ორგანიზაცია CERN-ის CMS ექსპერიმენტის ხელმძღვანელი (შვეიცარია) ტიციანო კამპორესი, ბირთვული კვლევების ევროპული ორგანიზაცია CERN-ის ATLAS-ის ექსპერიმენტის ტექნიკური კოორდინატორი (შვეიცარია) ლუდოვიკო პორტეკორვო, იაპონიის განათლებისა და მეცნიერების მინისტრის მრჩეველი, მაღალი ენერგიების ამაჩქარებლის კვლევითი ორგანიზაცია - KEK-ის ნაწილაკებისა და ატომების შემსწავლელი ინსტიტუტის სრული პროფესორი (იაპონია) სატოში მიჰარა, საქართველოს განათლების, მეცნიერების, კულტურისა და სპორტის მინისტრი მიხეილ ბატიაშვილი, მიუნჰენისა და ნიუ-იორკის უნივერსიტეტების პროფესორი, მიუნჰენის მაქს პლანკის სახელობის ფიზიკის ინსტიტუტის დირექტორი (აშშ, გერმანია) გია დვალი.

„საერთაშორისო საკოორდინაციო საბჭო განახლებული შემადგენლობით შეიკრიბება მიმდინარე წლის 21 თებერვალს და განიხილავს ფონდის საქმიანობის ძირითად მიმართულებებს, სტრატეგიულ საკითხებს და საქართველოს მეცნიერთა საერთაშორისო სივრცეში ინტეგრაციის გაძლიერების საკითხებს“, – განაცხადეს ფონდში.

დავით ნარმანია - თუ არ გვინდა გაგვიძვირდეს ტარიფები, უნდა ავაშენოთ ჰესები
ქართული პრესის მიმოხილვა 23.10.2019
დიმიტრი შველიძე  -  მომავალი პარლამენტი ნაყიდი დეპუტატებით და ფრაქციებით აივსება
„პროკრედიტ ბანკი“ მომხმარებლებს ელექტრო მანქანის შესაძენად დაფინანსების ახალ შესაძლებლობას სთავაზობს
საქართველოში პირველად, უძრავი ქონების სკოლა Reschool გაიხსნება
კრისტალის საჭადრაკო ბლიც-თამაში "ყველა ქალი ჩემპიონია"
სასტუმრო „რადისონ ბლუ ივერიამ“ 10 წლის იუბილე აღნიშნა