მარნეულში რუსთაველის ქუჩაზე, ბუნებრივი აირის ნამწვით ინტოქსიკაციის 2 შემთხვევა დაფიქსირდა. ინტოქსიკაციის ნიშნებით 5 პაციენტი მარნეულის ,,ავერსის" კლინიკაშია ჰოსპოტალიზებული, მათ შორის ერთი მცირეწლოვანი ბავშვია. ერთ პაციენტს სასწრაფო სამედიცინო დახმარების ბრიგადის ექიმმა სამედიცინო დახმარება ადგილზე გაუწია.
როგორც კლინიკა ,,ავერსში" აცხადებენ, მცირეწლოვანი ბავშვი რეანიმაციულ განყოფილებაშია მოთავსებული. ხუთივე პაციენტის ჯანმრთელობის მდგომარეობა ამ დროისათვის სტაბილურია და მათ სიცოცხლეს საფრთხე აღარ ემუქრება.
წინასწარი ინფორმაციით, ერთ შემთხვევაში ინტოქსიკაციის მიზეზი წყლის გამაცხელებლიდან გამოყოფილი ბუნებრივი აირის ნამწვი გახდა, მეორე შემთხვევაში კი ბუნებრივი აირის ოთახის გამათბობელი.