რუსთავში, მე-18 საჯარო სკოლასთან, ცოტა ხნის წინ, საპატრულო პოლიციის რამდენიმე ეკიპაჟი იყო მობილიზებული. არსებული ინფორმაციით, 112-ში სკოლის დირექტორმა დარეკა. დირექტორის ინფორმაციით, მას მე-10 კლასელმა გოგონამ გუშინ მიმართა და უამბო, რომ მასზე დეიდა სისტემატურად, როგორც ფიზიკურად, ასევე მორალურად ძალადობდა და აიძულებდა სახლში საქმის გაკეთებას.

სკოლაში აცხადებენ, რომ 15 წლის გოგონას, მშობლები არ ჰყავს და მას დეიდა ზრდის.

ბავშვის მიმართ ძალადობას კატეგორიულად უარყოფს მისი დეიდა.

მოზარდი რუსთავში ქვემო ქართლის სოციალური მომსახურების სააგენტოშია გადაყვანილი.

როგორც ,,ინტერპრესნიუსს“ შსს-ში განუცხადეს, მოზარდი დეიდას ადანაშაულებს ფიზიკურ ძალადობაში, ფაქტთან დაკავშირებით გამოძიება 126-ე პრიმა მუხლით დაიწყო, რაც ოჯახურ ძალადობას გულისხმობს.