ბათუმი-ჩაქვის ცენტრალურ საავტომობილო გზაზე სატრანსპორტო მოძრაობა აღდგა. ტრაილერი, რომელიც მახინჯაურში, მატარებლის ხიდის ქვეშ იყო გაჭედილი, სპეციალური ტექნიკის დახმარებით გაატარეს.

როგორც თვითმხილველებმა განაცხადეს, სატვირთო ავტომობილი მოძრაობისას ხიდის ქვეშ ვერ გაეტია და გზა ჩახერგა. ამის გამო საავტომობილო მიმოსვლა ერთი საათის განმავლობაში შეზღუდული იყო.

შემთხვევის ადგილზე სამართალდამცავები იმყოფებოდნენ. ამ დროისათვის ბათუმი-ჩაქვის მიმართულებით მოძრაობა თავისუფლად არის შესაძლებელი.