ზურაბ აბაშიძე - ჩვენი შეხვედრის დროს კარასინს ასეთი რედაქციით არაფერი უთქვამს და მიჭირს იმის თქმა, რას გულისხმობდა ის „შესაძლო უსიამოვნო მოულოდნელობებში“

ჩვენი შეხვედრის დროს გრიგორი კარასინს ასეთი რედაქციით არაფერი უთქვამს და მიჭირს იმის თქმა, რას გულისხმობდა ის „შესაძლო უსიამოვნო მოულოდნელობებში“ , - ამის შესახებ „ინტერპრესნიუსს“ პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში ზურაბ აბაშიძემ გრიგორი კარასინის განცხადების კომენტირებისას განუცხადა. აბაშიძის თქმით, მისთვის უცნობია, რას გულისხმობდა კარასინი, როდესაც „შესაძლო უსიამოვნო მოულოდნელობებზე“ საუბრობდა. „ინტერპრესნიუსთან“ საუბრისას, ზურაბ აბაშიძე იმ საკითხებზეც ამახვილებს ყურადღებას, რომელიც დღევანდელ შეხვედრაზე დღის წესრიგით გათვალისწინებული არ იყო, თუმცა ქართულმა მხარემ მოლაპარაკებების მაგიდასთან კიდევ ერთხელ დააყენა.

„ჩვენი ფორმატი განიხილავს ისეთ საკითხებს, როგორიცაა სავაჭრო-ეკონომიკური, სატრანსპორტო, ჰუმანიტარული პრობლემები და ამაზეა აქცენტიებული პრაღის შეხვედრები და დიალოგი, თუმცა ამის მიუხედავად შეხვედრის დასაწყისში ყურადღება გავამახვილეთ აფხაზეთსა და ცხინვალში შექმნილ მძიმე ვითარებაზე, ადამიანის უფლებების დაცვისა და ჰუმანიტარული მიმართულებით არსებულ მდგომარეობაზე. მოვიყვანეთ საერთაშორისო სამართლის ნორმების უხეში დარღვევის, ასევე, სუვერენიტეტისა და ტერიტორიული მთლიანობის პრინციპების უგულველყოფის კონკრეტული მაგალითები. ამ კონტექსტში თქვა, რომ პრობლემის მთავარი განსახილველი ფორმატია ჟენვის საერთაშორისო კონსულტაციები.

ეს კომენტარი მან ჟურნალისტთან საუბერისას გააკეთა და მე ეს არ მომისმენია. ჩვენი საუბრის დროს ასეთი „რედაქციით“ არაფერი უთქვამს და მიჭირს იმის თქმა, რას გულისხმობდა ის ამ განცხადებაში“, - აღნიშნა ზურაბ აბაშიძემ.

რუსეთის საგარეო საქმეთა მინისტრის მოადგილე გრიგორი კარასინი ქართულ მხარეს „უსიამოვნო მოულოდნელობების“ შესახებ აფრთხილებს. აღნიშნული განცხადება, რუსმა დიპლომატმა „რადიო თავისუფლებასთან“ საუბრისას გააკეთა, თუმცა კონკრეტულად რა უსიამოვნო მოულოდნელობაზეა საუბარი, არ აღუნიშნავს.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა