ბათუმში, რამდენიმე ქუჩაზე წყალმომარაგება შეიზღუდება

ბათუმში, აბონენტების ნაწილს წყალმომარაგება შეეზღუდება. ამის შესახებ „ინტერპრესნიუსს“ შპს „ბათუმის წყლიდან“ აცნობეს. მათივე ინფორმაციით, წყალმომარაგების სისტემაზე ახალი მშენებარე კორპუსის დაერთების და ტექნიკური სამუშაოების შესრულების გამო, 5 მარტის 23:00 საათიდან, 6 მარტის 09:00 საათამდე, წყლის მიწოდება შეუწყდება: ხახუტაიშვილის ქუჩას, შერიფ ხიმშიაშვილის ქუჩას: N9-დან, N15-ის ჩათვლით მონაკვეთში, ინასარიძის ქუჩას: N2-დან, N10-ის ჩათვლით მონაკვეთში, ფიროსმანის ქუჩას: N14გ-დან, N22-ის ჩათვლით მონაკვეთში.

როგორც კომპანიის მიერ გავრცელებულ ინფორმაციაშია ნათქვამი, შპს „ბათუმის წყალმა“ წყალმომარაგების შეზღუდვის არეალში მცხოვრებ აბონენტებს ინფორმაცია დროულად SMS შეტყობინების სახით მიაწოდა. აბონენტებს დამატებითი ინფორმაციის მიღება სამუშაოებთან დაკავშირებით კომპანიის ცხელი ხაზის მეშვეობით ნომერზე: (0422) 242222, ან 1152 შეუძლიათ.