პრეზიდენტის სიტყვით გამოსვლაში ყველა ის აქცენტი გაკეთდება, რომელიც დღევანდელ საშინაო და საგარეო პოლიტიკის საკითხებს ეხება, - ამის შესახებ “ინტერპრესნიუსს“ პრეზიდენტის საპარლამენტო მდივანმა დიმიტრი გაბუნიამ განუცხადა.
“ხვალ პრეზიდენტი წარსდგება სიტყვით და პარლამენტის მეშვეობით მოსახლეობას მიმართავს. ეს არის ძალიან მნიშვნელოვანი. მნიშვნელოვანია ისიც, რომ მოხსენებაში გაკეთდება ყველა ის აქცენტი, რომელიც დღევანდელ საშინაო და საგარეო პოლიტიკის საკითხებს ეხება“, - აღნიშნა დიმიტრი გაბუნიამ.
სალომე ზურაბიშვილი ქვეყნის მდგომარეობის უმნიშვნელოვანეს საკითხებზე თავისი პირველი მოხსენებით პარლამენტის პლენარულ სხდომაზე 12:00 საათზე გამოვა.