პარლამენტის იურიდიულ საკითხთა კომიტეტის თავმჯდომარის ანრი ოხანაშვილის განცხადებით, მისთვის უცნობია, თუ როგორ და რა ფორმით შეიძლება გადავიდეს პატიმართა შეწყალების კომისია იუსტიციის სამინისტროს სისტემაში.
ოხანაშვილი იმედს გამოთქვამს, რომ გადაწყვეტილება საუკეთესო საერთაშორისო პრაქტიკას დაეფუძნება.
„პატიმართა შეწყალების კომისიასთან დაკავშირებით მტკიცე და მკაფიო გადაწყვეტილება, თუ რა ფორმით შეიძლება ჩამოყალიბდეს კონცეფცია, არ მოგვისმენია. პატიმართა შეწყალება პრეზიდენტის ექსკლუზიური უფლებამოსილებაა, თუმცა რა სახის მოდელსა და კონცეფციაზეა საუბარი, ჩვენ დეტალები არ მოგვისმენია. მჯერა და იმედი მაქვს, რომ როგორც არ უნდა წარიმართოს პროცესი, საუკეთესო საერთაშორისო პრაქტიკას დაეფუძნება“, - აღნიშნა ანრი ოხანაშვილმა.
როგორც პრეზიდენტმა სალომე ზურაბიშვილმა დღეს პარლამენტში სიტყვით გამოსვლისას განაცხადა, პატიმართა შეწყალების კომისია იუსტიციის სამინისტროში გადავა.