საპატრიარქოს ხელშეწყობით, ეპარქიებში ხორბლის თესვა დაიწყება

პატრიარქის ბრძანებით, საპატრიარქოსთან არსებულ, საქართველოს სოფლის მეურნეობის განყოფილებასთან ქართული ჯიშების ბიო-პროდუქტების წარმოების და მათი რეალიზაციის ხელშემწყობი გაერთიანება, სახელწოდებით „საპატრიარქოს გემოვანი“ შეიქმნა.

“დღევანდელი მემორანდუმით, “ლომთაგორას“ მეურნეობასთან, სადაც გამოჰყავთ ქართული ჯიშები, ჩვენი ეგიდით, ეპარქიებში დაიწყებენ ხორბლის თესვას, რომლის წარმოებასაც უზრუნველყოფს კომპანია „მზეთამზე“, - ამის შესახებ ,,საპატრიარქოს გემოვანის“ ხელმძღვანელმა, იღუმენმა ნიკოლოზ გვარლიანმა „ინტერპრესნიუსს“ განუცხადა.

იღუმენის თქმით, მათი მიზანია, ქვეყნის სახნავი მიწების 70%-ზე დაითესოს ქართული ხორბალი. აღსანიშნავია, რომ საქართველოში არსებობს ხორბლის 5 ენდემური ჯიში, რომელიც საუკეთესოა სასელექციოდ და გააჩნია სამკურნალო თვისებები.

„დღევანდელი მემორანდუმით, (,,საპატრიარქოს გემოვანი“, ფირმა ,,ლომთაგორა“, შპს ,,გემოვანი“ ) თანხმდებიან, რომ ხელი შეუწყონ საქართველოში ქართული ბიო-პროდუქტების წარმოებასა და რეალიზაციას; ,,საპატრიარქოს გემოვანი“ საქართველოში მოქმედ ეპარქიებსა და მათში შემავალ სოფლებში განახორციელებს მარცვლოვანი კულტურების, კერძოდ, ხორბლისა და სიმინდის პირველად წარმოებასა და ამ საქმიანობის ყოველმხრივ ხელშეწყობას, ფირმა ,,ლომთაგორა“ განახორციელებს ენდემური სახეობის, ადგილობრივი ჯიშის, უხვმოსავლიანი და დაავადებებისადმი გამძლე ხორბლისა და სიმინდის ჯიშების შექმნას, გამრავლებასა და წარმოებას; შპს ,,გემოვანი“ უზრუნველყოფს გაერთიანება ,,საპატრიარქოს გემოვანის“ ხელშეწყობით მიღებული ხორბლისა და სიმინდის შესყიდვასა და პურისა და ფქვილის რეალიზაციას ,,მზეთამზეს“ სავაჭრო ნიშნით; შპს“ "გემოვანი“ ქველმოქმედების სახით მოგების 10%-ს გადაურიცხავს საქართველოს საპატრიარქოს“, - ნათქვამია მემორანდუმში.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა