ზუგდიდში მერიის წარმომადგენლებმა 100 წელს გადაცილებულ ქალბატონებს ქალთა დღე მიულოცეს

ზუგდიდის მერის მოვალეობის შემსრულებელმა მაიზერ ნანავამ და მერის პირველმა მოადგილემ გიორგი შენგელიამ, 100 წელს გადაცილებულ ქალბატონებს 8 მარტი, ქალთა საერთაშორისო დღე, მიულოცეს.

როგორც „ინტერპრესნიუსს“ ზუგდიდის მერიიდან აცნობეს, მერიის წარმომადგნლებმა 100 წელს გადაცილებულ ქალბატონებს თაიგული მიართვეს და საოჯახო ტექნიკა საჩუქრად გადასცეს.

„დღეს ერთ-ერთი ქალბატონი, ვენერა გაწერელია 109 წლის გახდა. ვენერა გაწერელიას 52 შთამომავალი ჰყავს. ზუგდიდის მუნიციპალიტეტის მერია 100 წელს გადაცილებულებს ყოველწლიურად 500 ლარს ურიცხავს“, – აცხადებენ მერიაში.