სოფელ იორმუღანლოში მცხოვრებ 84 წლის ქალს მეოთხე დღეა ეძებენ
სოფელ იორმუღანლოში მცხოვრებ 84 წლის ხანუმ გუსეინოვას მეოთხე დღეა ეძებენ. ის ბოლოს, სიღნაღის მუნიციპალიტეტის სოფელ ბოდბის ტერიტორიაზე, ფერმაში ნახეს.
ქალის ახლობლების ინფორმაციით, მას ჯანმრთელობის პრობლემები აქვს. თუმცა ეს პირველი შემთხვევა იყო, როცა სახლში არ დაბრუნდა.
„ბოლოს რვა მარტს ვნახე და მას შემდეგ ვეძებთ. სოფელ ბოდბესთან ახლოს, ფერმაში იყო შვილთან ერთად. ჯანმრთელობის პრობლემები ჰქონდა, რაღაცეები ავიწყდებოდა, არ ვიცით, სად შეიძლება წასულიყო. ვეძებთ და ვერ ვპოულობთ“, - აცხადებს დაკარგული ქალის ახლობელი ელვან გუსეინოვი.
სამძებრო სამუშაოებში პოლიცია და სამაშველო სამსახურია ჩართული. გამოძიება 115 მუხლით დაიწყო, რაც თვითმკვლელობამდე მიყვანას გულისხმობს.
