პარლამენტის ხაზინადართა საბჭოში ეკა ბესელია ანრი ოხანაშვილმა შეცვალა

საქართველოს პარლამენტის ხაზინადართა საბჭოს შემადგენლობაში იურიდიულ საკითხთა კომიტეტის თავმჯდომარე ანრი ოხანაშვილმა კომიტეტის ყოფილი თავმჯდომარე და საპარლამენტო უმრავლესობის ყოფილი წევრი - ეკა ბესელია შეცვალა.

საქართველოს პარლამენტის თავმჯდომარის სათათბირო ორგანოს შემადგენლობაში განხორციელებული ცვლილების შესაბამისი ბრძანება უკვე გამოცემულია.

ხაზინადართა საბჭოს პარლამენტის თავმჯდომარის პირველი მოადგილე, თამარ ჩუგოშვილი ხელმძღვანელობს და მის შემადგენლობაში პარლამენტის 9 წევრი შედის.