ლევან სამუშია - ირაკლი ალასანია არ არის ის ფიგურა, რომელსაც ქუჩაში ხელს მოჰკიდებ და დააკავებ

ე.წ. კაბელების საქმის ადვოკატი, „თავისუფალი დემოკრატების“ ერთ-ერთი ლიდერი ლევან სამუშია არ უარყოფს ინფორმაციას, რომ ბიძინა ივანიშვილს თავდაცვის ყოფილი მინისტრის ირაკლი ალასანიას დაკავება უნდოდა.

როგორც სამუშიამ „პალიტრანიუსის“ გადაცემაში „ნიუსრუმი“ სტუმრობისას განაცხადა, სწორედ „კაბელების საქმე“ იყო ის ძირითადი კვანძი, რითაც ალასანიას დაკავებას ცდილობდნენ, თუმცა „საქმე ჩავარდა“, რადგან რეალური სამართლებრივი საფუძვლები არ არსებობდა.

„ე.წ.კაბელების საკითხით ნათელი იყო, რომ გამიზნული იყო „თავისუფალ დემოკრატებზე“ დარტყმა, რაც პირდაპირ ირაკლი ალასანიასთან დაკავშირებით მიმდინარეობდა. უბრალოდ იმდენად გაუფუჭდათ ეს საქმე, რომ ვერ მივიდნენ ალასანიას დაკავებამდე. ალასანია არ არის ის ფიგურა, რომელსაც ქუჩაში ხელს მოჰკიდებ და წაიყვან“, - აღნიშნა ლევან სამუშიამ.

ბიძინა ივანიშვილი ემზადებოდა ირაკლი ალასანიას დასაჭერად და ვერ დაიჭირა, - ამის შესახებ გადაცემა „,360 გრადუსში“ "რესპუბლიკური პარტიის" ერთ-ერთმა ლიდერმა დავით ბერძენიშვილმა განაცხადა. ბერძენიშვილის თქმით, ბიძინა ივანიშვილს ირაკლი ალასანიას დაკავება ე.წ. კაბელების საქმესთან დაკავშირებით სურდა.

იხილეთ ვიდეო:

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს