კობი-გუდაურის საავტომობილო გზის მონაკვეთზე ყველა სახის ავტოტრანსპორტისთვის მოძრაობა აიკრძალა.

როგორც „ინტერპრესნიუსს“ შსს-დან აცნობეს, აკრძალვის მიზეზი ქარბუქი და თოვლის მასის ჩამოშლა გახდა.

„საპატრულო პოლიციის დეპარტამენტი გაცნობებთ, რომ ქარბუქის და თოვლის მასის ჩამოშლის გამო, მცხეთა-მთიანეთის რეგიონში, კერძოდ, კობი-გუდაურის საავტომობილო გზის მონაკვეთზე, ყველა სახის ავტოტრანსპორტისთვის მოძრაობა ორივე მიმართულებით აიკრძალა. მოქალაქეებს მოვუწოდებთ, დაემორჩილონ საპატრულო პოლიციის თანამშრომლების მითითებებს“, - ნათქვამია შსს-ს მიერ გავრცელებულ ინფორმაციაში.