ზუგდიდში, დევნილთა საცხოვრებელი კორპუსების მშენებლობაზე დასაქმებულების ნაწილი აცხადებს, რომ 2 თვის ხელფასი არ მიუღიათ

ზუგდიდში, ბარამიას ქუჩაზე დევნილთა საცხოვრებელი კორპუსების მშენებლობაზე დასაქმებული მუშების ნაწილი აცხადებს, რომ მათ 2 თვის ხელფასი არ მიუღიათ. ისინი თანხების დროულად დარიცხვას ითხოვენ.

„დროულად არ გვიხდიან ხელფასს. ორი თვეა უკვე კუთვნილი თანხის მოლოდინში ვართ. ხელმძღვანელი გვეუბნება ქვეკონტრაქტორმა უნდა დაგირიცხოთო, მაგრამ ის 25 მარტს მოვა და გაირკვევა, გადაგიხდიან თუ არაო. არსად არ ვაპირებთ წასვლას, აქ დავდგებით, ვიდრე ხელფასს არ გადაგვიხდიან. კორპუსის მშენებლობა არ შეწყვეტილა, ახლები მუშაობენ, მაგრამ ჩვენ სანამ თანხას არ გადაგვიხდიან, მუშაობას არ გავაგრძელებთ. არანაირი ხელშეკრულება არ დაგვიდია, არც თვითონ შემოუთავაზებიათ და არც ჩვენ მოგვითხოვია. ჩვენი ხელფასის თანხა დაახლოებით 30 000 ლარია “, - ამბობს ერთ-ერთი მუშა გენადი ფარულავა.

მისივე ინფორმაციით, ხელფასის მოთხოვნით, 20-მდე მუშამ გზაც გადაკეტა, თუმცა ავტომანქანების სავალი ნაწილი მათ პოლიციამ დაატოვებინა.

სამშენებლო სამუშაოებს კომპანია „დაგი“ ახორციელებს.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 24.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში