ბათუმში ავტოსაგზაო შემთხვევის შედეგად სამი ადამიანი დაშავდა. როგორც ბათუმის სასწრაფო სამედიცინო დახმარების ცენტრში განაცხადეს, დაშავებულები ბათუმის სხვადასხვა საავადმყოფოში გადაიყვანეს.
ექიმების ინფორმაციით, ერთ-ერთის მდგომარეობა მძიმეა, მას დაზიანებები თავის არეში აღენიშნება.
ავტოსაგზაო შემთხვევა ჰაიდარ აბაშიძის ქუჩაზე მოხდა. ერთმანეთს ორი მსუბუქი ავტომობილი შეეჯახა. ადგილზე სამართალდამცავები იყვნენ მობილიზებული, მიმდინარეობს გამოძიება.