აჭარის უმაღლეს საბჭოში საგაზაფხულო სესიის პირველი სხდომა გაიმართა

თბილისი. 21 მარტი. ”ინტერპრესნიუსი” - აჭარის უმაღლეს საბჭოში საგაზაფხულო სესიის პირველი სხდომა გაიმართა.

როგორც „ინტერპრესნიუსს“ აჭარის ავტონომიური რესპუბლიკის უმაღლესი საბჭოს პრესსამსახურიდან აცნობეს, უმაღლეს საბჭოში საგაზაფხული სესიის პირველ პლენარულ სხდომაზე, დღის წესრიგით გათვალისწინებული საკითხების განხილვამდე, უმაღლესი საბჭოს თავმჯდომარემ დავით გაბაიძემ მედიის წარმომადგენლებს ქართული ჟურნალისტიკის დღე მიულოცა.

განცხადებების შემდეგ დეპუტატებმა დადგენილების პროექტს უყარეს კენჭი, რომლის თანახმად, „პატრიოტთა ალიანსის“ წარმომადგენელი აჭარის უმაღლეს საბჭოში მერაბ ბლადაძე, რომელმაც ზაზა ოქუაშვილი ჩაანაცვლა, ამიერიდან აგრარული და გარემოს დაცვის საკითხთა კომიტეტის წევრია. საკონსტიტუციო, იურიდიულ და საპროცედურო საკითხთა კომიტეტის თავმჯდომარის ნინო ჩხეტიას მიერ წარმოდგენილ დადგენილების პროექტს - „აჭარის ავტონომიური რესპუბლიკის უმაღლესი საბჭოს კომისიების შემადგენლობის არჩევის შესახებ“ აჭარის ავტონომიური რესპუბლიკის უმაღლესი საბჭოს 2016 წლის 28 ნოემბრის №5 დადგენილებაში ცვლილების შეტანის თაობაზე, დეპუტატებმა ერთხმად დაუჭირეს მხარი.

პლენარულ სხდომაზე კანონმდებლებმა მეორე მოსმენით განიხილეს დავით გაბაიძის, ნინო ჩხეტიას, მერაბ კარანაძის, ირაკლი ჭეიშვილისა და დავით ბაციკაძის მიერ ინიცირებული საკანონმდებლო პაკეტი, რომელიც უმაღლესი საბჭოს თავმჯდომარემ დავით გაბაიძემ და საკონსტიტუციო, იურიდიულ და საპროცედურო საკითხთა კომიტეტის თავმჯდომარემ ნინო ჩხეტიამ წარმოადგინეს. რეგლამენტის თანახმად, სხდომას უმაღლესი საბჭოს თავმჯდომარის მოადგილე მერაბ კარანაძე გაუძღვა.

საკითხის განხილვა შესვენების შემდეგ განახლდა. საკანონმდებლო პაკეტის მიღება აჭარის ავტონომიური რესპუბლიკის კონსტიტუციაში განხორციელებული ცვლილებებითაა განპირობებული და მოიცავს - უმაღლესი საბჭოს რეგლამენტის პროექტს, „აჭარის ავტონომიური რესპუბლიკის ნორმატიული აქტების შესახებ“ და „აჭარის ავტონომიური რესპუბლიკის საბიუჯეტო პროცესისა და უფლებამოსილებათა შესახებ“ კანონებში შესატანი ცვლილებების პროექტებს. უმაღლეს საბჭოში აცხადებენ, რომ პროექტზე მუშაობისას ინიციატორები თანამშრომლობდნენ არასამთავრობო სექტორის წარმომადგენლებთან და მათი შენიშვნების მნიშვნელოვანი ნაწილი, ისევე როგორც საკომიტეტო განხილვებისას გამოთქმული საგულისხმო შენიშვნები და წინადადებები, გათვალისწინებულია.

რეგლამენტის პროექტი - 11, დანარჩენი კანონპროექტები კი -12 ხმით დამტკიცდა.

საგაზაფხულო სესიის პირველ პლენარულ სხდომაზე, დაუნის სინდრომის მსოფლიო დღესთან დაკავშირებით, კანონმდებლებმა სოლიდარობა ჭრელი წინდებით გამოხატეს.

თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
ქართული პრესის მიმოხილვა 16.09.2021
იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ნიუ ვიჟენ უნივერსიტეტი საზოგადოებას კინემატოგრაფიაში ამერიკულ სამაგისტრო პროგრამას სთავაზობს
კრიპტალი მომხმარებლებს 1 მილიონ შიბა ინუს (ელექტრონული ფული) ჩუქნის
BDO Digital-ი SWIFT-ის ოფიციალური პარტნიორი გახდა
BDO Digital-ი კომპანიებს აქტივების მართვის თანამედროვე გადაწყვეტას სთავაზობს