თელავის რაიონულ სასამართლოში სოფელ ყარაჯალაში მომხდარ მკვლელობაში ბრალდებულის, ელბრუზ სულეიმანოვის საქმის განხილვა დაიწყო. პროცესი დახურულია და მედიის წარმომადგნელებს დასწრების საშუალება არ აქვთ.
სასამართლოს მიმდებარედ პოლიციაა მობილიზებული. სასამართლოს ეზოში იმყოფებიან დაკავებულის ახლობლებიც.
შეგახსენებთ, რომ 1 თებერვალს, 19 წლის რადიმ ყურბანოვს თანასოფლელმა ცეცხლსასროლი იარაღიდან სოფლის მეჩეთთან ესროლა. ახალგაზრდა ადგილზე გარდაიცვალა.
მკვლელობაში ბრალდებული 25 წლის ელბრუზ სულეიმანოვი პოლიციამ ცხელ კვალზე დააკავა. მომხდარის მოტივად შურისძიება სახელდება.
შინაგან საქმეთა სამინისტროს ინფორმაციით, დაკავებულს ბრალი 108-ე და 236 მუხლის მე-3 და მე-4 ნაწილით აქვს წარდგენილი.