საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) დღეს, საჯარო სხდომაზე სს „სვანეთი ჰიდროს“ სახელზე ელექტროენერგიის წარმოების ლიცენზია გასცა. ამის შესახებ „ინტერპრესნიუსს“ კომისიიდან აცნობეს.

მათი ინფორმაციით, კომისიის მიერ სს „სვანეთი ჰიდროს “ სახელზე გაცემული ლიცენზია შეეხება მესტიის მუნიციპალიტეტში განთავსებულ 30 მგვტ სიმძლავრის ჰიდროელექტროსადგურ „მესტიაჭალა ჰესი 2“-ით ელექტროენერგიის წარმოებას. ჩამონადენზე მომუშავე ჰიდროელექტროსადგური ექსპლუატაციაში მიმდინარე წელს შევიდა. იგი შედგება 3 აგრეგატისგან, რომელთა ნომინალური სიმძლავრე 10-10 მგვტ-ია. „მესტიაჭალა ჰესი 2“-ის საპროექტო წლიური გამომუშავება 106.7 მლნ კვტ.სთ-ს შეადგენს.