ზესტაფონის მუნიციპალიტეტი ევროკომისიის საგრანტო კონკურსის გამარჯვებულია

ზესტაფონის მუნიციპალიტეტში, ევროკომისიის საგრანტო კონკურსის ფარგლებში გამარჯვებული პროექტის მიხედვით, პარტნიორ მხარეებს შორის, მემორანდუმი გაფორმდა. ამის შესახებ ,,ინტერპრესნიუსს“ ზესტაფონის მუნიციპალიტეტის მერიიდან აცნობეს.

„ზესტაფონი, როგორც ლიდერი აპლიკანტი, ჭიათურისა და ტყიბულის მუნიციპალიტეტებთან ერთად განახორციელებს პროექტს „ადგილობრივი თანამშრომლობა, იმერეთის მეორე დონის პოსტინდუსტრიული ქალაქების გამოცოცხლებისათვის“, რომლის საერთო ღირებულება 355 000 ევროა.

პროექტი სამივე ქალაქის ინდუსტრიული რევიტალიზაციისთვის მნიშვნელოვან მიმართულებებს დააფინანსებს, რომლებიც საუკეთესო ევროპული პრაქტიკის გათვალისწინებითა და ადგილობრივი საზოგადოების ჩართულობით მომზადდება. პროექტის პარტნიორები არიან მდგრადი განვითარების ორგანიზაცია(საქართველო) და პოზნანის მეტროპოლიის ასოციაცია(პოლონეთი).

,,შეხვედრას ზესტაფონის, ტყიბულისა და ჭიათურის მუნიციპალიტეტების პირველი პირები, იმერეთის სამხარეო ადმინისტრაციის წარმომადგენლობა, სახელმწიფო რწმუნებულის მოადგილეები და პარტნიორი ორგანიზაციების წევრები ესწრებოდნენ.

მემორანდუმს ხელი სამივე მუნიციპალიტეტის პირველმა პირებმა და პარტნიორი ორგანიზაციის წარმომადგენლებმა მოაწერეს“, - ნათქვამია ინფორმაციაში.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს