ბათუმში, დრამატული თეატრის შენობასთან საქართველოს პრემიერ-მინისტრს მამუკა ბახტაძეს "ერთიანი ნაციონალური მოძრაობის" წევრები ხმაურით შეხვდნენ. ადგილზე სამართალდამცავები იყვნენ მობილიზებული.

როგორც "ნაციონალური მოძრაობის" წევრმა ელგუჯა ბაგრატიონმა განაცხადა, მამუკა ბახტაძესთან შეკითხვები აქვთ რეგიონში არსებულ კორუფციასთან დაკავშირებით. "ერთიანი ნაციონალური მოძრაობის" აქციასთან დაკავშირებით საქართველოს პრემიერ-მინისტრს კომენტარი არ გაუკეთებია. საქართველოს პრემიერ-მინისტრი მამუკა ბახტაძე და საქართველოს პრეზიდენტი სალომე ზურაბიშვილი ბათუმის დრამატულ თეატრში იმყოფებიან, რომელიც რეაბილიტაციის შემდეგ საზეიმოდ გაიხსნა.

რაც შეეხება "ერთიანი ნაციონალური მოძრაობის" წევრებს, ისინი თეატრის ეზოში აქციას აგრძელებენ.

იხილეთ ვიდეო