ნოდარ ხადური ვაშინგტონში ამერიკის ადვოკატთა ასოციაციის ყოველწლიურ შეხვედრაში მონაწილეობს
საქართველოს კონკურენციის სააგენტოს თავმჯდომარე, ნოდარ ხადური ვაშინგტონში, ამერიკის ადვოკატთა ასოციაციის (ABA) კონკურენციის სამართლის განყოფილების 67-ე საგაზაფხულო ყოველწლიურ შეხვედრაში მონაწილეობს. კონფერენციას 60-ზე მეტი ქვეყნის 3000-მდე მონაწილე ესწრება. მათ შორის, სხვადასხვა ქვეყნის კონკურენციის უწყების ხელმძღვანელი პირები.
საქართველოს კონკურენციის სააგენტოს ინფორმაციით, მონაწილეები განიხილავენ ისეთ მნიშვნელოვან საკითხებს, როგორიცაა: ანტიმონოპოლიური სამართლის პრიორიტეტები, კონკურენციის განვითარებისა და ხელშეწყობის გზები, საერთაშორისო პრაქტიკის დანერგვისა და გაძლიერების საშუალებები, შერწყმების კონტროლი და გამოწვევები ციფრულ ეკონომიკაში, როგორ შეიძლება განახლდეს და დაიხვეწოს არსებული უწყებების სტრუქტურა, აღსრულების მექანიზმები და მინიმუმამდე შემცირდეს კონკურენციის საწინააღმდეგო ქმედებები, მონაცემების მოპოვება და დამუშავების ეფექტიანი გზები, თანამშრომლობის პროგრამის დანიშნულება და მიზნები, მომხმარებელთა უფლებების დაცვის საერთაშორისო ტენდენციები და სხვა.
ვიზიტის ფარგლებში, ასევე დაგეგმილია ორმხრივი შეხვედრები კონკურენციის უწყებების ხელმძღვანელ პირებთან.
v-if="article.gallery" v-html="article.gallery"
