ბორჯომის მუნიციპალიტეტის მერი ლევან ლიპარტია და საკრებულოს წევრები მოსახლეობას ხვდებიან

ბორჯომის მუნიციპალიტეტის მერმა ლევან ლიპარტიამ და საკრებულოს წევრებმა მოქალაქეების საჭიროებების ადგილზე გაცნობის მიზნით, მოსახლეობასთან აქტიური შეხვედრები დაიწყეს. ამის შესახებ „ინტერპრესსნიუსს“ ბორჯომის მუნიციპალიტეტიდან აცნობეს.

მათივე ინფორმაციით, დღეს მერი დეპუტატებთან ირაკლი კვირკველიასთან, გიორგი ფერაძესთან, თამარ სხირტლაძესთან და ელზა კუჭუხიძესთან ერთად სოფლებს ქვაბისხევსა და ჩითახევს ესტუმრა, სადაც საჭიროებების გამოვლენასთან ერთად, საუბარი იმ პროექტებს შეეხო, რომლებიც მიმდინარე წელს აღნიშნულ სოფლებში განხორციელდება. ასევე, გამოიკვეთა პრიორიტეტები, რომელთა მოგვარება მომდევნო ეტაპზე მოხდება.

მერის თქმით, შეხვედრები უმნიშვნელოვანესია მოქალაქეებთან უშუალო და ჯანსაღი ურთიერთობების ჩამოყალიბებაში და ის მუნიციპალიტეტის ყველა სოფელსა და დაბაში გაიმართება.

„მოსახლეობასთან შეხვედრის დროს, რიგ შემთხვევაში სხვადასხვა საკითხის ადგილზე დადებითად გადაწყვეტა ხდება, მათ მიერ შერჩეული პრიორიტეტები ბიუჯეტის სწორად დაგეგმვაშიც გვეხმარება, ამგვარად საფინანსო დოკუმენტი მაქსიმალურად მორგებული ხდება მოქალაქეთა საჭიროებებზე“, - აღნიშნა ლევან ლიპარტიამ.

ლადო პაპავა - მოსახლეობა პოზიტიური დღის წესრიგის მოლოდინშია
ლევან კლიმიაშვილი - ტექნიკურ უნივერსიტეტში შუალედური გამოცდების ჩატარება გენერალური რეპეტიცია იყო ფინალური გამოცდებისთვის
ქართული პრესის მიმოხილვა 01.06.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ