სიღნაღის მუნიციპალიტეტის სოფელ ნუკრიანში ე. წ. „მარტაანთ უბნის“ გზის მოასფალტება სრულდება, - ამის შესახებ „ინტერპრესნიუსს“ სიღნაღის მუნიციპალიტეტიდან აცნობეს.

მათი ინფორმაციით, სარეაბილიტაციო სამუშაოები სიღნაღის მუნიციპალიტეტის მერმა, გიორგი გოგილაშვილმა და მერის პირველმა მოადგილემ, მადონა ბატიაშვილმა დაათვალიერეს.

„გიორგი გოგილაშვილი ადგილობრივ მაცხოვრებელს გაესაუბრა, რომელთაც აღნიშნეს, რომ აღნიშნულ გზაზე მოასფალტება პირველად ხდება და გადაადგილება მოსახლეობისთვის წლების განმავლობაში გადაუჭრელ პრობლემას წარმოადგენდა. პროექტის დასრულების შემდეგ მოქალაქეები ქუჩის მიმდებარე ტერიტორიას გაამწვანებენ.

პროექტი, რომელიც მაღალმთიანი დასახლებების განვითარების ფონდიდან 270 432 დაფინანსდა, ერთი კილომეტრის მანძილზე ასფალტის საფარის დაგებასა და სანიაღვრის მოწყობას ითვალისწინებს“, - აღნიშნულია სიღნაღის მუნიციპალიტეტის მიერ გავრცელებულ ინფორმაციაში.