ბათუმში, ზუბალაშვილის ქუჩაზე, ქობულეთში პოლიციელზე თავდასხმის ბრალდებით კიდევ ერთი პირის დაკავების ოპერაცია მიმდინარეობს, რომელიც ძებნაში იმყოფებოდა.

შემთხვევის ადგილზე იმყოფებიან ბრალდებულის ახლობლები, რომლებიც აცხადებენ, რომ ბრალდებული თავად აპირებდა სამართალდამცველებისთვის ჩაბარებას, თუმცა ისინი ძალის გამოყენებით ცდილობენ მის დაკავებას.

ბრალდებულის ახლობლები აცხადებენ, რომ იგი სამართალდამცველებთან თანამშრომლობას აპირებდა და არ დაუშვებენ ამ ფორმით დაკავებას.

შეგახსენებთ, რომ რამდენიმე დღის წინ ქობულეთში ახალგაზრდებს შორის ინციდენტის დროს ქობულეთის პოლიციის ორ თანამშრომელს ფიზიკურად გაუსწორდნენ, რომლებიც ახალგაზრდებს აშველებდნენ.

ფაქტთან დაკავშირებით ერთ-ერთი პირი უკვე დააკავეს.