"სოლიდარობა მილა ფუტკარაძეს", "როდის დაისჯება დამნაშავე?", "ჩვენ არ გავჩერდებით, სანამ სამართალი არ იზეიმებს",- ამ ლოზუნგებით ბათუმში რამდენიმე დღის წინ გარდაცვლილი 29 წლის მელანო ფუტკარაძის ოჯახის წევრები და ახლობლები რეფერალურ საავადმყოფოსთან აქციას მართავენ.
შეკრებილების განცხადებით, ახალგაზრდა ქალის გარდაცვალების ფაქტის დროული გამოძიება უნდა მოხდეს. მათივე თქმით, საგამოძიებო მოქმედებები ჭიანურდება.
"ჩვენ აქ შევიკრიბეთ და კიდევ ერთხელ ვაცხადებთ, რომ ვითხოვთ საქმის დროული გამოძიება მოხდეს. მელანო ფუტკარაძე რეფერალური საავადმყოფოს ექიმებს შეეწირა", - განაცხადა აქციი ერთ-ერთმა მონაწილე ტარიელ ქათამაძემ.
ბათუმში რამდენიმე დღის წინ ერთ-ერთ კლინიკაში 29 წლის ქალი გარდაიცვალა. ოჯახის წევრები გარდაცვალებაში ექიმებს ადანაშაულებენ. ფაქტზე შსს გამოძიებას აწარმოებს.