ჭიათურაში, საბაგიროს მშენებლობისას მამაკაცი დაიღუპა. აღნიშნული ინფორმაცია „ინტერპრესნიუსს“ შინაგან საქმეთა სამინისტროში დაუდასტურეს. რა გახდა მამაკაცის გარდაცვალების მიზეზი, უწყებაში ვერ აკონკრეტებენ. დაუზუსტებელი ინფორმაციით, მამაკაცს დენმა დაარტყა.

მომხდართან დაკავშირებით, გამოძიება სისხლის სამართლის კოდექსის 240-ე მუხლის მეორე ნაწილით მიმდინარეობს, რაც სამთო სამშენებლო და სხვა სამუშაოების დროს უსაფრთხოების წესების დარღვევას გულისხმობს.