საქართველოს პირველი პრეზიდენტის ზვიად გამსახურდიას 80 წლის იუბილეს ბათუმში სხვადასხვა ღონისძიებებით აღნიშნავენ.
ბათუმის საჯარო ბიბლიოთეკაში რიგითი მოქალაქეები და აჭარის ავტონომიური რესპუბლიკის პირველი პირები შეიკრიბნენ, სადაც ზვიად გამსახურდიას შესახებ ვიდეო-რგოლისა და ისტორიული კადრების ჩვენება მოეწყო. საჯარო ბიბლიოთეკაში ზვიად გამსახურდიას ფოტოებიც გამოიფინა. ასევე, დღის განმავლობაში ბათუმში, ხარიტონ ახვლედიანის სახელობის მუზეუმში საქართველოს პირველი პრეზიდენტის ზვიად გამსახურდიას პოლიტიკური ცხოვრების ამსახველი ექსპონატების პლაკატებისა და გაზეთების გამოფენა მოხდება.
ქალაქში გამართულ ღონისძიებებს აჭარის მთავრობის წევრები ესწრებიან.