თელავის საგზაო სამმართველო, ინტენსიური თოვისა და ყინვის გამო გომბორის მიმართულებით მოძრავი ავტომანქანის მძღოლებს სიფრთხილისკენ მოუწოდებს.

როგორც „ინტერპრესნიუსს" თელავის საგზაო სამსახურის დირექტორმა, თამაზ აბდულაშვილმა განუცხადა, აღნიშნულ მონაკვეთზე აქტიურად იყრება ტექნიკური მარილი და იწმინდება გზა.

თამაზ აბდულაშვილი, უსაფრთხოებიდან გამომდინარე ვაზიანი-გომბორის მიმართულებით მოძრავი ავტომანქანის მძღოლებს აფრთხილებს, რომ მხოლოდ ზამთრის საბურავებით იმოძრაონ.

,,თოვს და ყინვა მინუს 4 გრადუსია. ინტენსიურად ვმუშაობთ, ვყრით ტექნიკურ მარილს. როგორც ვიცი, უღელტეხილთან რამდენიმე მანქანა შეფერხდა და უამინდობის გამო გადაადგილებას ვერ ახერხებდა. გზა ჩაკეტილი არ არის, თუმცა პოლიცია აფრთხილებს მძღოლებს“, - განაცხადა თამაზ აბდულაშვილმა.