„ნაცმოძრაობის“ წევრი - აჭარაში ბიძინა ივანიშვილის მიერ გაჩეხილი ხეები სპეციალურ პორტალზე განთავსდა

აჭარის რეგიონში ბიძინა ივანიშვილის მიერ გაჩეხილი ხეები სპეციალურ პორტალზეა განთავსებული, - ამის შესახებ ბათუმში „ერთიანი ნაციონალური მოძრაობის" მიერ შექმნილი ე.წ.ალტერნატიული მთავრობის წევრებმა განაცხადეს. როგორც მათ აღნიშნეს, პორტალს "ივანიშვილი საქართველოს წინააღმდეგ" ჰქვია.

ე.წ.ალტერნატიული მთავრობის წევრი ლაშა ადამია ამბობს, რომ ვებ-პორტალზე ონლაინ რეჟიმში იმ ტერიტორიების ჩვენება მოხდება, რომელიც ხის გადატანას ასახავს.

ვებ-პორტალის პრეზენტაცია „ბათუმის დემოკრატიული ჩართულობის ცენტრში“ გაიმართა, რომელსაც არასამთავრობო სექტორის წარმომადგენლები და "ერთიანი ნაციონალური მოძრაობის" ლიდერები ესწრებოდნენ.

„მოქალაქეებს შეუძლიათ ახალ პორტალზე ხეების გაჩეხვისა და გარემოს განადგურების მასშტაბი ონლაინ რეჟიმში იხილონ. საიტი სხვადასხვა ენაზე ითარგმნება, რაც ყველასთვის ხელმისაწვდომი უნდა გახდეს. ბიძინა ივანიშვილის ქმედებები რეალურად ეკოლოგიური კატასტროფაა. შორს რომ არ წავიდეთ, ნათლად ჩანს, ჩაქვში აჭარის უმაღლეს საბჭოს შენობასთან გაჩეხილი ხეები. რეგიონში გაჩეხილ ხეებზე ამ დრომდე პასუხისგებაში არავინ მიუციათ. ეკოლოგიური საფრთხე გარდაუვალია. სტიქიური მოვლენების საშიშროება არსებობს“,- განაცხადა ლაშა ადამიამ.

იხილეთ ვიდეო: "ნაცმოძრაობის" წევრი - აჭარაში ბიძინა ივანიშვილის მიერ გაჩეხილი ხეები სპეციალურ პორტალზე განთავსდა

ლადო პაპავა - მოსახლეობა პოზიტიური დღის წესრიგის მოლოდინშია
ლევან კლიმიაშვილი - ტექნიკურ უნივერსიტეტში შუალედური გამოცდების ჩატარება გენერალური რეპეტიცია იყო ფინალური გამოცდებისთვის
ქართული პრესის მიმოხილვა 01.06.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ