ანაკლია-განმუხურის სანაპირო ზოლზე ტურისტული სეზონისთვის მოსამზადებელი სამუშაოები დაიწყო, ამჟამად ტერიტორიაზე 500-მდე სხვადასხვა სახის მრავალწლიანი მცენარეების დარგვა მიმდინარეობს,- ამის შესახებ ინფორმაციას ზუგდიდის მუნიციპალიტეტის მერია ავრცელებს.
მერიის ინფორმაციით, გამწვანების სამუშაოები ზუგდიდის მუნიციპალიტეტის მერის პირველმა მოადგილემ გიორგი შენგელიამ დაათვალიერა და გამწვანების სამუშაოებში მიიღო მონაწილეობა. ამასთანავე, ანაკლიასა და განმუხურში დაგეგმილია 5 მილიონი ლარის ღირებულების სხვადასხვა სახის ინფრასტრუქტურული სამუშაოების განხორციელება.
„მოხდება მდინარე ენგურის შესართავთან არსებული კაფე-რესტორნის, ანაკლია-განმუხურის დამაკავშირებელი ხიდის რეაბილიტაცია, მოეწყობა ველობილიკები, სანაპირო ზოლამდე მისასვლელი ბილიკები, საშხაპეები და გასახდელები, ასევე რეაბილიტაცია ჩაუტარდება კალათბურთისა და ფეხბურთის მოედნებს, აღდგება სტიქიის დროს დაზიანებული განმუხურის ამფითეატრი“,- აღნიშნულია გავრცელებულ ინფორმაციაში.