ლევან დავითაშვილი ტაილანდის სამეფოს დელეგაციის წევრებს შეხვდა

გარემოს დაცვისა და სოფლის მეურნეობის მინისტრი ლევან დავითაშვილი ტაილანდის სამეფოს ოფიციალური დელეგაციის წევრებს შეხვდა. დელეგაციას ტაილანდის სამეფოს საგარეო საქმეთა სამინისტროს ევროპის დეპარტამენტის გენერალური დირექტორი სისავატ ვონგსინსავატი ხელმძღვანელობდა.

როგორც „ინტერპრესნიუსს“ გარემოს დაცვისა და სოფლის მეურნეობის სამინისტროდან აცნობეს, შეხვედრაზე მხარეებმა ქვეყნებს შორის ეკონომიკური ურთიერთობების განვითარების შესაძლებლობები განიხილეს. ლევან დავითაშვილმა მსოფლიო მასშტაბით ქართული ღვინის კულტურის ცნობადობის მნიშვნელობასა და ექსპორტის გაზრდილ მაჩვენებელზე ისაუბრა. მინისტრმა ყურადღება დარგის მარეგულირებელი სახელმწიფო უწყების „ღვინის ეროვნული სააგენტოს“ საქმიანობაზე გაამახვილა.

მათივე განმარტებით, მინისტრმა დელეგაციის წევრებს სატყეო სექტორში განხორციელებული რეფორმის შესახებაც მიაწოდა ინფორმაცია და ქვეყნისთვის ტყის მდგრადი მართვის პრიორიტეტულობის საკითხზე ისაუბრა.

„გასულ წელს საქართველოს გარემოს დაცვისა და სოფლის მეურნეობის მინისტრი მნიშვნელოვანი მისიით იმყოფებოდა ტაილანდში. ვიზიტის ფარგლებში, ჩვენ ორმხრივი თანამშრომლობის ფართო სპექტრი განვიხილეთ. დღევანდელ შეხვედრაზე, ვისაუბრეთ კონკრეტულ სფეროებში სამომავლო თანამშრომლობის პერსპექტივებზე, მათ შორის ტყის მდგრადი მართვის, რძის და ღვინის წარმოებასთან დაკავშირებულ საკითხებზე. ჩვენ მზად ვართ ქართულ მხარესთან მომავალშიც განვაგრძოთ ნაყოფიერი თანამშრომლობა“, - განაცხადა სისავატ ვონგსინსავატმა.

გარემოს დაცვისა და სოფლის მეურნეობის სამინისტროში გამართულ შეხვედრას მინისტრის მოადგილე ხატია წილოსანი და შესაბამისი სამსახურის ხელმძღვანელი პირები ესწრებოდნენ.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო