მაჭახელას ხეობის მცხოვრებლები პოლიციაში გამოკითხვაზე იმყოფებიან. როგორც მოსახლეობა აცხადებს, ისინი ჰესების წინააღმდეგ საპროტესტო აქციებს მართავდნენ და გამოძიებას ამ კუთხით აქვს კითხვები. მოსახლეობის თქმით, დაკითხვა ამ წუთებშიც მიმდინარეობს.
ხეობის მცხოვრებლებმა არაერთი საპროტესტო აქცია გამართეს მაჭახელაში ჰესის მშენებლობის წინააღმდეგ. მოსახლეობა ამბობს, რომ ჰესის მშენებლობა არ უნდა მოხდეს, რადგან ხეობაში ეკოლოგიური საფრთხე არსებობს.
ცოტა ხნის წინ, მაჭახელას ხეობის მცხოვრებლებმა პრემიერ-მინისტრის სახელზე მიმართვაც გაავრცელეს.