რუსეთის საგარეო საქმეთა მინისტრის მოადგილის, გრიგორი კარასინის განცხადებით, ირაკლი კვარაცხელიას გარდაცვალების ფაქტთან დაკავშირებით გამოძიება არ დასრულებულა, ხოლო იმისთვის რომ ამ საკითხზე დიალოგი დაიწყოს, გამოძიება უნდა დასრულდეს.

“გამოძიება დასრულებული არ არის. როგორც ვიცი, ის არც საქრათელოში დასრულებულა. ჩვენი პოზიცია ასეთია- ამ თემაზე დიალოგის დაწყებისთვის, ჯერ გამოძიება უნდა დასრულდეს. ჩვენი აზრით, ეს არ არის მართებული გადაწყვეტილება. ის ხელს უშლის დიალოგს და ურთიერთთანამშრომლობის ბევრ ელემენტს თბილისს, ცხინვალსა და სოხუმს შორის. ეს დასავლური კალკაა, კავკასიაში ეს არ იმუშავებს და მხოლოდ უარყოფით შედეგს მოიტანს. უკეთესია დიალოგის დალაგება ჟენევის დისკუსიის ფარგლებში. თუ ჩვენ ჟენევის დისკუსიას მხოლოდ ამ ტრაგიკული შემთხვევების გარჩევამდე დავიყვანთ, მაშინ წინ ვერ წავალთ“, - განაცხადა კარასინმა ჟენევის მოლაპარაკებების მორიგი რაუნდის შემდეგ.