სერგო რატიანი - სამარცხვინო ფაქტი და მარქსიზმ-ლენინიზმია, რომ “დედაენის“ ერთადერთი რედაქცია სახელმწიფო კომისიამ უნდა მოამზადოს

“ევროპულმა საქართველომ“ “დედანის“ საგანმანათლებლო პროცესში ჩართვასთან დაკავშირებულ კანონპროექტზე კენჭისყრის გადადება და საკითხზე კონსულტაციების გაგრძელება მოითხოვა. “ევროპულმა საქართველომ“ პარლამენტს საკუთარი ალტერანტიული საკანონმდებლო ვარიანტიც შესთავაზა.

როგორც ოპოზიციონერმა დეპუტატმა სერგო რატიანმა პარლამენტის პლენარულ სხდომაზე განაცხადა, წარმოდგენილი კანონპროექტის გათვალისწინებით, იქმნება სახელმწიფო კომისია, რომელმაც “დედანის“ ერთადერთი რედაქცია უნდა გააკეთოს, რაც არის სამარცხვინო ფაქტი და “მარქსიზმ-ლენინიზმი“.

კენჭისყრის გადადების წინადადებას პროექტის ერთ-ერთმა ავტორმა და ინიციატორმა ზაზა გაბუნიამ მხარი არ დაუჭირა. როგორც გაბუნიამ სესიაზე განაცხადა, საკითხის განხილვა და კონსულტაციები 6-თვეა მიდის, ხოლო “ევროპული საქართველო“ ცდილობს, ხელი შეუშალოს, რომ “დედაენა“ სკოლებში შევიდეს.

საბოლოოდ “ზოგადი განათლების შესახებ“ კანონში დაგეგმილი ცვლილებების პროექტს კენჭი მაინც ეყარა. პარლამენტმა ზაზა გაბუნიასა და მარიამ ჯაშის პროექტი დღეს მეორე მოსმენით მიიღო, “ევროპულმა საქართველოს“ ალტერნატიული ვარიანტი კი ჩააგდო.

კანონპროექტის მიხედვით, განათლების, მეცნიერების, კულტურისა და სპორტის სამინისტრო, ექსპერტთა საბჭოს მეშვეობით, ქართული საანბანე სახელმძღვანელოს იაკობ გოგებაშვილისეულ მეთოდს მოამზადებს და სასწავლო პროცესისთვის დაბეჭდავს.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა