აჭარის უმაღლესი საბჭოს რიგგარეშე სხდომაზე საკანონმდებლო პაკეტი დაამტკიცეს

აჭარის ავტონომიური რესპუბლიკის უმაღლეს საბჭოს რიგგარეშე სხდომაზე კანონმდებლებმა დავით გაბაიძის, ნინო ჩხეტიას, მერაბ კარანაძის, ირაკლი ჭეიშვილისა და დავით ბაციკაძის მიერ ინიცირებული საკანონმდებლო პაკეტი მესამე მოსმენით განიხილეს, - ამის შესახებ „ინტერპრესნიუსს“ აჭარის უმაღლესი საბჭოდან აცნობეს.

მათივე ინფორმაციით, საკითხის განხილვამდე ოპოზიციის წარმომადგენლებმა განცხადებებისთვის განკუთვნილი დროით ისარგებლეს და ახლახანს გავრცელებული ფარულ ჩანაწერებზე, ასევე რეგიონში და ქვეყანაში მიმდინარე მოვლენებზე ისაუბრეს. განცხადებების შემდეგ, ფრაქცია „ერთიანი ნაციონალური მოძრაობის“ წევრებმა, პროტესტის ნიშნად, სხდომათა დარბაზი დატოვეს.

კოლეგების საპროტესტო განწყობას გამოეხმაურა უმაღლესი საბჭოს თავმჯდომარე დავით გაბაიძე. მისი განცხადებით, რეგლამენტის პროექტი, რომლის განხილვაში მონაწილეობაზეც ოპოზიციის ნაწილმა უარი განაცხადა, მოიცავს ძალზე მნიშვნელოვან პუნქტებს, რომლებიც აძლიერებენ უმაღლესი საბჭოს მაკონტროლებელ ფუნქციებს. ამასთან, ახალი რეგლამენტით ოპოზიციას ეძლევა კვოტა მმართველ რგოლში, კერძოდ ყველა კომიტეტის თავმჯდომარის მოადგილე იქნება ოპოზიციის წარმომადგენელი, რაც უპრეცედენტო შემთხვევაა.

ერთგვარი შესავალის შემდეგ, დავით გაბაიძე საკითხის განხილვაზე გადავიდა და სხდომას, რეგლამენტის თანახმად, უმაღლესი საბჭოს თავმჯდომარის მოადგილე მერაბ კარანაძე გაუძღვა.

რამდენიმე რედაქციული შენიშვნის გათვალისწინებით, საკანონმდებლო პაკეტი, რომელიც მოიცავს: უმაღლესი საბჭოს რეგლამენტის პროექტს, ,,აჭარის ავტონომიური რესპუბლიკის ნორმატიული აქტების შესახებ“ და ,,აჭარის ავტონომიური რესპუბლიკის საბიუჯეტო პროცესისა და უფლებამოსილებათა შესახებ“ აჭარის ავტონომიური რესპუბლიკის კანონებში შესატანი ცვლილებების კანონპროექტებს, ასევე უმაღლესი საბჭოს დადგენილების პროექტს - ,,აჭარის ავტონომიური რესპუბლიკის უმაღლესი საბჭოს მაჟორიტარი წევრის ამომრჩევლებთან ურთიერთობის გაუმჯობესების ღონისძიებათა შესახებ“, მესამე მოსმენით - 13 ხმით 2-ის წინააღმდეგ დამტკიცდა.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან