ხობის მუნიციპალიტეტის სოფელ ახალ ხიბულაში, ერთ-ერთი ოჯახიდან პოლიციამ გარკვეული ოდენობის მარიხუანა ამოიღო. ინფორმაციას, რომ სამართალდამცავები აღნიშნულ ოჯახში იმყოფებოდნენ, ადასტურებს ხობის მუნიციპალიტეტის მერის წარმომადგენელი ახალი ხიბულას ადმინისტრაციულ ერთეულში, რინელ ადამია, თუმცა დეტალებზე არ საუბრობს.

,,ვიცი, რომ იქ პოლიციელები იმყოფებოდნენ, თუმცა დეტალები ჩემთვის უცნობია,“- აღნიშნა რინელ ადამიამ.

როგორც ,,ინტერპრესნიუსს“ შსს-ში განუცხადეს, დაკავებულია ერთი პირი. გამოძიება სსკ-ის 265-ე და 273-ე პრიმა მუხლით დაიწყო.